Opozita ka vndosur të bojkotojë edhe seancën plenare të kësaj të enjte. Ajo do të mblidhet në një hotel në Vlorë, për të vazhduar axhendën e saj politike. Por ndërkohë, ndryshe nga kolegët e tyre, dy deputetë të LSI-së, Lefter Koka dhe Vangjel Tavo do të jenë në Kuvend. Sipas LSI, ata rrezikojnë të humbasin mandatin, pasi kanë gjashtë muaj që nuk shkelin në Kuvend. Ndaj dhe do të paraqiten që të mos iu digjet mandati.
“Sot ne Kuvend do marrin pjese dy deputetet e LSI-se Lefter Koka dhe Vangjel Tavo. Ata do te jene vetem per procedure, pasi jane ne limitet e afatit 6 mujor te mosprezences ne salle. Pra do jene sot ne Parlament per te shmangur djegien e mandateve dhe pas kesaj do te rilene sallen menjehere. Tavo dhe Koka kane munguar per arsye familjare”, njofton LSI.
