Të mërkurën paradite u raportua nga mediat së në Gjykatën e Apelit Gjirokastër kishte ndodhur një përplasje mes juristes së njohur Eni Çobani dhe një gruaje eme emrin Rudina Islamaj. Kjo e fundit pretendon se është kërcënuar nga Eni Çobani, e cila e ka mohuar dicka të tillë në një reagim të mëvonshëm.
“E gjitha është një dezinformim. Skandaloze, nuk e di se si ka dalë ky lajm që unë jam shoqëruar në komisariat. Është një lajm i rremë dhe se di se si mund të luhet me figura publike. Unë jam duke u khyer për në Tiranë dhe një gjë të tillë e kam marrë vesh nga të tretë. Në Gjykatën e Apelit është zhvilluar një seancë normale dhe nuk ka pasur asnjë gjë nga ato që thonë mediat”, pohoi Çobani për Gazetën Shqiptare.
Por ndërkohë nga ana tjetër, Rudina Islamaj kishte treguar versionin tjetër të ngjarjes. E pyetur nga Dritare.net ajo tha se procedura e gjykimit filloi normalisht dhe në një moment të caktuar kur u prezantua trupi gjykues, Rudina kishte kërkuar përjashtimin e trupit gjykues. Pikërisht ky ishte momenti , kur ka reaguar avokatja Çobani, e cila fillimisht i është drejtuar trupit gjykues, duke u thënë për Islamajn që është një person i rrezikshëm dhe se duhet kontrolluar para se të hyjë në gjykatë, sepse qarkullon me çimka.
“Ndërsa unë reagova e fyer, pikërisht në Gjykate, Çobani m’u kthye duke me thënë: Pusho, pusho, ti pusho kur flas unë. E di unë pse e bën ti, por mua këtu do më kesh, nuk do të ndahem. Unë nuk jam as Merushja, as Guximi”.
Rudina ka treguar se është ndjerë e kërcënuar dhe ka telefonuar policinë. Ajo tregon për dritare.net se Çobani u mundua të zbusë gjakrat, kur erdhi policia, duke ju dhënë njohje dhe treguar kush ishte, por policia kishte bërë punën, pa u ndikuar.
Pas verifikimeve të bëra, avokatja është shoqëruar në komisariat. Edhe Eni Çobani, edhe Rudina Islamaj kanë dhënë dëshmitë e tyre, por akoma nuk është dhënë një vendim përfundimtar. Të dyja janë larguar nga rajoni i policisë.
Në këtë situatë, kur dy palët japin versione të ndryshme, qëndron edhe Policia e Gjirokastrës e cila nuk ka bërë asnjë reagim për këtë rast, ndonëse interesimi i mediave ka qenë i madh. A janë shoqëruar në komisariat Eni Cobani dhe Rudina Islamaj? A është kërcënuar kjo e fundit apo jo, sikundër dëgjohet në audion e publikuar në media?
©ArgjiroLajm.net
