Krahas punës për rikonstruksionin e aksit Gjirokastër-Lazarat, Autoriteti Rrugor Shqiptar po kryen punime edhe në një kantier tjetër në qarkun Gjirokastër.
Prej ditës së djeshme ka nisur ndërhyrja në Urën e Petranit mbi Lumin Langaricë. Kjo urë që gjendet në rrugën Përmet-Çarshovë rrezikohej nga gërryerja e ujërave të lumit.
ARRSH do të kryejë disa ndërhyrje përforcuese në pjesët e dëmtuara të këmbëve. Pas tragjedisë në Xhenova, ARRSH nisi një inspektim të urave në mbarë vendin, për të evidentuar ato që paraqesnin më tepër rrezik. Sa i përket qarkut Gjirokastër, Ura e Dragotit ishte në listën e të rrezikuarave më shumë prej fsktit se nuk respektohej tonazhi i kalimit të mjeteve.
ARRSH mori masa për ta disiplinuar kalimin në këtë urë edhe me ndihmën e Policisë së Shtetit. Më poshtë foto nga ndërhyrja në Urën e Petranit.
©ArgjiroLajm.net
