Ministrja e Kulturës dhe deputetja e qarkut, Mirela Kumbaro, ishte sot në Gjirokastër në kuadër të një aktiviteti të Lëvizjes Kombëtare për Lexim. Krahas nxënësve të tjerë të shkollës “Urani Rumbo”, ku u dhuruan libra, Kumbaro ndau me ndjekësit e saj në Facebook takimin e veçantë me Miçon.
“Me Miçon, shokun e Lindita Nikollës, ne Biblioteken e Gjirokastres, ku u takuam per te lexuar me gjirokastritet e vegjel se u kisha premtuar qe do te rikthehesha per te sjelle libra per femije. #LevizjaKombetarePerLexm🚌📖” shkruan Kumbaro.
Miço është një fëmijë i veçantë. Ai vuan nga sindroma Down, dhe prindërit e tij u divorcuan. Miço, pas largimit të të atit, jeton vetëm me nënën e tij. Por nuk e afronin në shoqëri, nuk e afronin as në parashkollor.
Ndaj, ministrja e Arsimit Lindita Nikolla mori angazhim në një nga emisionet televizive në ë vend se do të kujdesej për vogëlushin që të shkonte në shkollë. Dhe sot, ai, me një mësues kujdestar më vete, ndjek mësimet në klasën e dytë në shkollën 9 vjecare “Urani Rumbo” në Gjirokastër. Një vit më parë në Gjirokastër, në ditën e parë të shkollës, Miçon e shoqëroi në klasë vetë ministrja Lindita Nikolla.
