Telefonin celular të ekstremistit Konstandinos Kaçifas, i cili mund të japë detaje dhe informacione të rëndësishme për ngjarjen e rëndë në Bularat, ende nuk dihet se kush e ka gjetur. Kur kanë kaluar mbi dy javë nga vrasja e minoritarit grek gjatë një shkëmbimi zjarri me forcat RENEA, ky detaj i rëndësishëm për hetimin nuk është gjetur ende. Edhe Panajot Barka në një shkrim të botuar dje për ngjarjet në Bularat, ndër të tjera shtronte edhe pyetjen për celularin e Kacifas.
“Por dhe vete dinamika e ngjarjeve të asaj të dieleje shtrojnë pyetje gozhduese. Pse u vra 35 vjeçari? A u ezauruan dispozitat e ligjit për përdorimin e armës, dmth a u ezaruan të gjitha mundësitë për t’i shpetuar jetën Kaçifës? Mos vallë në gjyq ai do të fliste për gjera që nuk duhen mësuar kurrë? Nëse nuk është kështu, ku ndohet telefoni i tij, dëshmitari i fundit që mund të na tregojë shumë gjera?”, thotë Barka.
Çështja po hetohet nga Prokuroria e Krimeve të Rënda në Tiranë dhe kryeprokurori i Gjirokastrës. Familjarët e Kacifas kanë shprehur rezerva për të dhënat e palës shqiptare. Ata dyshojnë se 35-vjeçari u qëllua nga afër, duke mos u pajtuar me versionin e dhënë nga pala shqiptare.
Kocifas qëlloi ndaj Policisë së Shtetit më 28 tetor, ndërsa pas shumë orësh përpjekje për ta arrestuar, aksioni në fund përfundoi fatal për minoritarin, i cili u qëllua nga forcat RENEA, pavarësisht thirrjeve të përsëritura për t’u dorëzuar.
©ArgjiroLajm.net
