Vlora, Gjirokastra dhe Elbasani rrezikohen nga përmbytjet për shkak të reshjeve të shiut, që kanë nisur ditën e sotme dhe pritet të vazhdojnë deri nesër.
Sipas parashikimeve të IGJEUM “sot pasdite dhe deri në orët e para të ditës së nesërme priten reshje intensive, deri lokalisht shumë intensive në qarqet Vlorë, Gjirokastër, Shkodër dhe Kukës.”
Po ashtu IGJEUM thotë se mundësi për rrëshqitje të tokës do të ketë në qarqet Vlorë, Gjirokastër, Elbasan dhe Berat.
Në zona të kufizuara të qarqeve, reshjet do të jenë në formë shtrëngatë, më të mundshme në terrenet malore.
