Kamza e drejtuar nga Ernest Gjoka, ka arritur të marrë sot fitoren e parë në shtëpi duke mundur me rezultatin e ngushtë 1-0 Luftëtarin. Goli i shënuar në pjesën e parë nga Fukui, ka mjaftuar që Kamza të arkivojë në këtë mënyrë 3 pikët e para. Gjatë gjithë takimit, ka pasur shumë raste goli nga të dyja skuadrat, ku Kamza ka humbur rastin më të mirë në fund me anë të Roloviçit. Me këtë fitore, Kamza ngjitet në vendin e 9, me 1 pikë më pak se Luftëtari dhe 2 më pak se Tirana. Javën e ardhshme, Luftëtari udhëton në Korçë, ndërsa Kamza luan në Vlorë ndaj Flamurtarit.
©ArgjiroLajm.net
