Kryeministri Edi Rama po zhvillon një bashkëbisedim me studentë në emisionin Top Show në Tch. Mes studentëve ka edhe nga Universiteti ‘Eqrem Çabej’ në Gjirokastër. Dy prej tyre morën fjalën dhe i kërkuan Ramës hapjen e masterit në degën e Infermierisë. Studentët thanë se janë të detyruar të shkojnë në Vlorë apo Tiranë për masterin. Vajza madje tentoi ta vënte në siklet Ramën duke i thënë se ajo s’kishte në plan të ikte në Gjermani. Ndërkohë djali u prezantua si organizatori i protestës. Në media gjatë mbrëmjes ka patur raportime se në panel studentët e përzgjedhur janë kryesisht prej FRESSH-it. Nuk dihet apo jo nëse edhe studentët e Gjirokastrës janë përzgjedhur pikërisht prej atyre që kanë angazhim në forumin e PS-së.
©ArgjiroLajm.net
