Ndërkohë që vijon protesta studentore në kryeqytet, qeveria është mbledhur sot në drekë dhe ka marrë disa vendime që lidhen me këtë krizë. Një ndër këto vendime është edhe shkarkimi i anëtarëve të bordeve në universitetet publike në vend.
Burime të ArgjiroLajm.net thonë se shkarkimit nuk i kanë shpëtuar as drejtorët e konvikteve apo siç njihen ndryshe Ndërmarrjet e Trajtimit Studentor. Sa i përket Gjirokastrës, të shkarkuar janë drejtoresha Doriana Demo dhe anëtarët e bordit; Lindita Rova, Ismail Zeko, Odise Kote, Armand Hysi, Artemis Malo, Merita Hysi e Majlinda Pobrati. ArgjiroLajm.net kontaktoi drejtoreshën Doriana Demo dhe e pyeti nëse kishte dijeni për këtë shkarkim.
Ajo e mohoi diçka të tillë dhe u shpreh se vazhdon të jetë në krye të detyrës. Pritet që vendimi i qeverisë të bëhet publik më vonë. Shkarkimin e bordeve dhe drejtorëve të konvikteve, kryeministri Edi Rama e paralajmëroi mbrëmë gjatë emisionit Top Show.
©ArgjiroLajm.net
