Dalin datat dhe oraret kur kandidatët për infermier që kanë aplikuar dhe janë kualifikuar në fazën tjetër, do i nënshtrohen testimit.
Po ashtu Ministria e Shëndetësisë dhe Mbrojtjes Sociale ka publikuar listat mbi rezultatet e verifikimit përfundimtar të kandidatëve që kanë aplikuar për të marrë pjesë në testimin që do zhvillohet për profesione të shkencave shëndetësore, sipas profileve dhe Qarqeve.
Testimi do të bëhet në Godinën e Lëndeve Paraklinike (pas spitalit infektiv) Qendra Spitalore Universitare “Nënë Tereza” Tiranë, për të gjithë kandidatët, për të gjitha qarqet.
Datat dhe orari sipas qarqeve dhe profileve do të jenë si më poshtë:
-Qarku Shkodër, Qarku Kukës, Qarku Lezhë, Qarku Tiranë, Qarku Durrës dhe Qarku Dibër profili Infermieri datë 9 shkurt 2019, ora 12.00.
-Qarku Elbasan, Qarku Korçë, Qarku Berat, Qarku Fier, Qarku Vlorë dhe Qarku Gjirokastër profili Infermieri datë 10 shkurt 2019, ora 12.00.
-Qarku Shkodër, Qarku Kukës, Qarku Lezhë, Qarku Tiranë, Qarku Durrës dhe Qarku Dibër profilet Mami, Teknik laboratori, Teknik imazherie, Fizioterapist datë 16 shkurt, ora 12.00.
-Qarku Elbasan, Qarku Korçë, Qarku Berat, Qarku Fier, Qarku Vlorë dhe Qarku Gjirokastër profilet Mami, Teknik laboratori, Teknik imazherie, Fizioterapist datë 17 shkurt, ora 12.00.
