Luftëtari ka bërë një goditje në minutat e fundit të merkatos së janarit, duke afruar në skuadër një sulmues ganez. Erik Uarden ka firmosur mbrëmë zyrtarisht kontratën me klubin bluzi dhe shumë shpejt pritet që të vihet nën urdhrat e trajnerin Julian Ahmataj.
Këtë transferim, Uarden e konsideron një hap të madh në karrierë duke qenë se po transferohet te një nga klubet më të mira në Shqipëri dhe me më shumë histori.
“Është diçka e bukur të jesh këtu, është një klub i madh me shumë histori dhe janë një nga skuadrat më të mira në Shqipëri. Sezonin e kaluar e mbyllën në vendin e tretë dhe jam gati të jap më të mirën time për skuadrën e re.
Si një sulmues, detyra dhe puna ime është që të shënoj sa më shumë gola dhe të jap asiste. Kam besim se mund të bëj shumë për këtë klub”, u shpreh sulmuesi Uarden i cili në të kaluarën ka qenë edhe pjesë e Ganës U20.
