Mësohet emri i ri i trajnerit që mund të zëvendësojë Panuccin tek Kombëtarja

Menjëhërë pas shkarkimit të trajnerit të Kombëtares Christian Panucci, FSH-ja ka vendosur që Ekipi kombëtar në ndeshjen e dytë zyrtare eliminatore kundër Andorrës në transfertë, të drejtohet nga Ervin Bulku dhe Sulejman Mema, si edhe pjesa tjetër e stafit aktual, në pritje të emërimit të trajnerit të ri. Ndërkohë që priteshin këto zhvillime, Presidenti i FSHF-së, Armand Duka, ka biseduar me Edi Rejan, ish-trajnerin e Napolit dhe Atalantës. Italiani nuk drejton një skuadër futbolli që nga 2016.