Shoferët e kompanisë së transportit ‘Argjiro’ kanë ndërprerë protestën e tyre. Burime të Argjirolajm.net thonë se vendimi i tyre është marrë sot pasdite pas takimit që një përfaqësi e kompanisë zhvilloi me ministren e Transportit, Belinda Balluku.
Kjo e fundit u premtoi rregullim të situatës. Po çfarë fitoi kompania ‘Argjiro’? Linja e Dropullit dhe Libohovës do të vijojnë të ekzistojnë, thjesht nuk do të ndalojnë në Gjirokastër për të marrë pasagjerë drejt kryeqytetit. Të paktën për këtë gjë është dakordësuar mes ministrisë dhe përfaqësuesve të tre kompanive.
Sot pasdite shoferët e ‘Argjiros’ kanë lëvizur nga rruga mjetet e tyre. Ata po protestonin prej rreth një jave kundër konkurrencës së pandershme nga dy linjat e tjera drejt Tiranës, linja e Libohovës dhe Dropullit. Protesta e tyre paralizoi transportin e udhëtareve drejt kryeqytetit.
©argjiroja.net
