Kryetarja e LSI-së, Monika Kryemadhi, ka folur rreth krizës në Shqipëri e cila sipas saj ka filluar që në kohën e kanabizimit masiv të vendit. Kryemadhi lëshoi akuzën e fortë se kanabisi nuk është zhdukur por vazhdon të mbillet masivisht nëpër sera.
“Nga Tirana mendon që kriza është në Parlament dhe në televizione por në fakt kriza ka filluar në çdo familje shqiptare kur nisi të mbillej kanabisi. Tani nuk është zhdukur kanabisi pasi grupet kriminale të mbështetur nga Policia kanë marrë me qera sera dhe po mbjellin brenda tyre ku nuk mund te fotografohet nga avionët. Parcela të mëdha kanabisi ka në Gjirokastër, Tepelenë dhe në malësinë e Shqipërisë së mesme”,-tha Kryemadhi në studion e “Repolitix” në Report TV.
