Dhjetëra mijëra refugjatë dhe emigrantë, kryesisht nga Siria, Iraku dhe Afganistani, kanë mbetur në Greqi që nga viti 2016 kur vendet e Ballkanit mbyllën kufijtë.
Por ditet e fundit, të nxitur nga njoftime në mediat sociale rreth një lëvizjeje të organizuar për të kaluar kufirin drejt Maqedonisë së Veriut, ka bëre që emigrantë të shumtë të qëndrojnë në çadra, në Greqinë e Veriut e të bëjnë herë pas here, tentativa për të kaluar kufirin.
Në afërsi të kufirit shqiptar në zonën e Janinës ndodhet një tjetër qendër pritëse ku jane akomoduar klandestinë kryesisht nga Siria, që kanë mbërrtur në Greqi. Ndaj strukturat e policisë së Kakavijes kanë përforcuar nivelin e gadishmërisë në rast të një fluksi të mundshëm të lëvizjes se emigrantëve në drejtim të kufirit.
Sipas statistikave zyrtare gjatë vitit të kaluar strukturat e policisë lokale në Gjirokastër ndaluan rreth 3 600 emigrantë nga vendet e treta. Rruga ballkanike duket se mbetet itinerari kryeso i kalimit të emigranteve për në Evropën Veriore.
