Të shtunën PS do të publikojë listën e plotë të kandidatëve për 61 bashkitë e vendit por edhe kandidatët për këshilla bashkiakë. Vendimet tashmë pothuajse janë marrë në selinë rozë dhe se zyrtarizimi i emrave është vetëm çështje orësh. Burime të Argjirolajm.net thonë se emrat me të cilët PS do të kandidojë për 7 bashkitë e qarkut Gjirokastër janë këto:
Bashkia Gjirokastër- Flamur Golemi
Bashkia Tepelenë – Tërmet Peçi
Bashkia Përmet- Alma Hoxha
Bashkia Memaliaj- Durim Roshi
Bashkia Këlcyrë- Klement Ndoni
Bashkia Libohovë- Luiza Mandi
Bashkia Dropull- Dhimitër Tola
Megjithatë nuk përjashtohet mundësia e ndonjë surprize në minutat e fundit, të paktën në tre bashki të qarkut; Gjirokastrën, Përmetin dhe Memaliajn. 13 Maji është afati i fundit ligjor për regjistrimin në KQZ të kandidatëve për kryetaria bashkie dhe për këshilltar bashkiakë. Opozita PD-LSI deri më tani ka deklaruar se nuk do të marrë pjesë në zgjedhje, por kandidatë do të ketë nga parti të tjera opozitare si Bindja Demokratike e Astrit Patozit, si dhe kandidatë të Pavarur.
©argjiroja.net
