Në përfundim të mbledhjes së Kryesisë së PS-së, kryeministri Edi Rama ka dalë për një komunikim me mediat. Ai tha se nesër të gjithë të deleguarit sipas qarqeve do të jenë në qarkun përkatës për të shpallur kandidaturat e miratuara.
“Nesër të gjithë të deleguarit sipas qarqeve do të jenë në qarkun përkatës për të shpallur kandidaturat e miratuara në prani të kandidatëve dhe grupeve drejtuese të fushatave elektorale dhe më pas nisim fushtën. Kemi vendosur për të gjitha bashkitë. Janë disa detaje të fundit që janë çështje qarqesh. Të deleguarit kanë mandatet për ti përmbyllur të gjitha”, tha Rama.
Sa i përket qarkut Gjirokastër shpallja e kandidaturave do të bëhet nga ministri Bledi Çuçi, i cili është i deleguari i PS-së për qarkun Gjirokastër. Për 7 bashkitë e qarkut kandidaturat janë si më poshtë.
Flamur Golemi- Bashkia Gjirokastër
Termet Peci- Bashkia Tepelenë
Alma Hoxha- Bashkia Përmet
Klement Ndoni- Bashkia Këlcyrë
Gjolekë Guci- Bashkia Memaliaj
Luiza Mandi- Bashkia Libohovë
Dhimitraq Toli- Bashkia Dropull
