Komisioni Qëndror i Zgjedhjeve ka zbardhur formularët e dekriminalizimit të kandidatëve që garojnë në zgjedhjet lokale të 30 qershorit. Përsa i përket Bashkisë Tepelenë, rivali i Tërmet Peçit figuron të jetë i dënuar më parë me 5 muaj e 10 ditë burg për veprën penale “shpërdorim i kontributeve i kryer në bashkëpunim”. Gëzim Malka, kandidat i Bindjes Demokratike, e ka marrë këtë dënim në vitin 2001 nga Gjykata e Tepelenës. Ndërkohë në korrik të vitit të shkuar ai është kallëzuar në Prokurorinë e Gjirokastrës për veprën penale “shpërdorim detyre” gjatë kohës kur ishte kryetar i Komunës së Luftinjës. Më poshtë formulari i vetëdeklarimit që Gëzim Malka ka dorëzuar në Komisionin Qëndror të Zgjedhjeve.
©argjiroja.net
