Një ditë pas anulimit të dekretit për zgjedhjet e 30 qershorit nga presidenti Ilir Meta, deputetët e rinj nga listat e LSI janë mbledhur sot bashkë për të diskutuar. Mes tyre ishte edhe deputetja e Gjirokastrës, Ediola Braha.
Deputetët e opozitës së re janë mbledhur së bashku në një drekë mes miqsh, siç e ka quajtur Ralf Gjoni. Ky i fundit ka postuar një foto në faqen zyrtare të tij në Facebook, ndërsa shkruan: Me miq të mirë!
Ndërsa po të njëjtën foto, Lefter Koka e ka komentuar me mbishkrimin: Shqipëria do të ecë vetëm përpara! I detyrohemi shqiptarëve, rrugën e pakthyeshme të integrimit euro-atlantik të atdheut!
