Kandidati socialist për Bashkinë Gjirokastër, Flamur Golemi, ka vijuar me takimet elektorale për zgjedhjet e 30 qershorit. Ndalesa e radhës ishte në lagjen “11 Janari”, ku Golemi zhvilloi një bashkëbisedim me banorët. Ai kërkoi mbështetjen e tyre me votë, duke theksuar se s’ka kthim pas nga 30 qershori dhe se ky është një shans historik për Gjirokastrën.
Duke qenë bashkë qeverisja lokale dhe ajo qëndrore, tha Golemi, Gjirokastra do të ketë mundësinë të pësojë transformime të mëdha në infrastrukturë, si dhe të kthehet në një pol të rëndësishëm të turizmit në vend.
Golemi përmendi katër projektet e rëndësishme që sipas tij do të zbatohen gjatë katër viteve të ardhshme; parkingu në sheshin e “Çerçiz Topulli”, në mënyrë që e gjithë zona të kthehet në pedonale, rikonstruksionin e pallatit të sportit, ndërtimin e një terminale për autobusët dhe by passin në zonën muzeale.
©argjiroja.net
