Një person është plagosur në një atentat në fshatin Turan të Tepelenës. Sipas policisë, ai është Saimir Gjoka, i cili ishte duke u kthyer në shtëpi me mjetin e tij tip “Benz”, kur u qëllua me breshëri automatiku. Plumbat kanë depërtuar nga xhami në brendësi të makinës nga ana e shoferit. Gjoka fatmirësisht i shpëtoi vdekjes.
Ai ndodhet në spitalin e Tepelenës dhe mjekët thanë se është jashtë rrezikut për jetën.
Fqinja: “Ato i dëgjova, automatik ba ba-bam, breshëri”.
Policia ka ngritur dhe pistat e para të hetimit për këtë ngjarje. Ka dyshime që shkak mund të jetë lidhja e të riut me një vajzë nga qyteti i Tepelenës.
Por vetëm pak kohë me parë çifti është ndarë me mosmarrëveshje të ekspozuara, incidente dhe konflikte. Për largimin e Saimir Gjokës pa dëshirën e vajzës, të afërmit e saj janë shprehur për një hakmarrje të mundëshme.
Megjithatë kjo është thjesht një pistë hetimi, ndërsa po punohet për mësuar më shumë rreth aktivitetit të Gjokës.
Nëna e Saimir Gjokës: “Vajza ka gabimet e saj”.
Policia bëri kontrolle të shumta në fshatin Turan aty ku ndodhi atentati. Disa persona u shoqëruan dhe u morën në pyetje për t’u lënë të lire më pas. Policia shoqëroi edhe një person i cili ndodhej pas makinës që iu be atentat. Ai është Krenar Mamaj dhe në banesën e tij u gjetën 200 rrënjë kanabis. /Abc News/
