Zamira Rami ka firmosur sot një urdhër drejtuar Policisë Bashkiake Gjirokastër, të cilës i kërkon që të lirojë ambientet e pallatit të sportit ku është vendosur KZAZ-ja. Por deri më tani oficerët e policisë bashkiake nuk e kanë zbatuar urdhërin e Ramit. Policia e Shtetit nga ana tjetër ka marrë në mbrojtje ambientet rreth KZAZ-së sic shihet në fotot që sjell Argjirolajm.net
Përfaqësues të PD-së ndërkohë janë ulur së bashku në në një lokal pranë pallatit të sporit. Për momentin situata është e qetë. Mësohet se një pjesë e oficerëve të policisë bashkiake janë shprehur se nuk do ta zbatojnë urdhërin e kryebashkiakes, e cila e ka motivuar kërkesën për lirimin e ambienteve të pallatit të sportit me gjoja një aktivitet që do të zhvillojë Partia Demokratike.
Në fakt ajo që synon Zamira Rami dhe PD në këtë rast, nuk është asnjë aktivitet, por duan të përsërisin aktet e dhunës që pamë dje në Shkodër e Tropojë për të pënguar zhvillimin e zgjedhjeve në 30 qershor. Ky skenar i kryebashkiakëve të opozitës vjen pas vendimit absurd të presidentit Ilir Meta për të çdekretuar datën e zgjedhjeve.
©argjiroja.net
