Ish-deputeti i PD-së në Gjirokastër ka thënë sot se pallati i sportit në Gjirokastër, ku është vendosur KZAZ-ja, është i zaptuar nga shkelësit e ligjit.
“Po shkelin dinjitetin e qytetarëve të Gjirokastrës. Po ngjallin zemërimin e tyre, revoltën e tyre. Shikoni sa janë mbledhur sot këtu. Ata kërkojnë kthimin e kësaj prone në identitet”, tha Tritan Shehu për Tv Gjirokastra.
Edhe pse ish-deputeti pretendon se aty ishin mbledhur shumë njerëz, në fakt ishin thjesht një grup i vogël militantësh të PD-së dhe punonjës të Bashkisë Gjirokastër. Shqetësimi i tyre është zbatimi i dekretit të Presidentit Ilir Meta, që të mos zhvillohen zgjedhjet në 30 qershor.
Jemi në kushtet kur opozita pasi dështoi me kauzën e saj për të larguar Edi Ramën si Kryeministër dhe cuarjen e vendit drejt zgjedhjeve të parakohshme parlamentare, tani thjesht po kërkon që të shtyjë datën për zgjedhjet lokale. Nesër PD-LSI do të mblidhen sërish para hyrjes së pallatit të sportit Gjirokastër në përpjekjen e radhës për të hequr prej aty KZAZ-në e kësaj bashkie.
©argjiroja.net
