Pandeli Majko si bir gjirokastriti, nuk pati guxim ditën e djeshme që të ndërhynte kur Edi Rama në sinkron me aktorin Gaz Paja, tregonin live në FB barsoleta për popullin e Gjirokastrës. Video u bë virale në rrjet dhe pati reagime të ashpra. I detyruar nga kjo, Pandeli Majko, i cili e ka babanë nga ky qytet ka reaguar në faqen e tij në FB.
“Humor me Gjirokastrën bëjnë ata që e duan. Humorin ja bëjnë edhe ata të cilët e shohin si dhelpra rrushin që nuk kap dot. Qyteti i tim eti është mal dhe mençuri. Edi Rama dhe unë rregullisht ngacmohemi në publik. Kjo ndodhi edhe dje në Njësinë 5. Unë nuk tregoj anekdota për Gjirokastrën. Ky është rregull familjar”, përpiqet që të justifikohet Majko duke e shoqëruar shënimin e tij, edhe me një foto piktoreske të Gjirokastrës-qyet muze.
Jo vetëm në tryezën e turpshme ku u treguan barsoletat me gjirokastritë, por as në këtë sqarim të vonuar, Majko i shkretë nuk gjen dot pak trimëri, qoftë edhe për tu distancohet nga Rama. Ka pas pasur dikur guxim dhe integritet që të vetë largohet edhe nga zyra ku tani rri Rama, por sot i janë lidhur këmbët e gjuha për një copë portofol ministri, që kontrollon vetëm “çelësat e kashtës”.
Thotë se Gjirokastrës humorin ja bëjnë ata që e duan, por njëkohësisht edhe ata të cilët e shohin si dhelpra rrushtë. Në cilin nga këto dy raste, futet Edi Rama?!
Pandi i disaporës, nuk guxon që të na e thotë.
Gjithashtu Majko i quan barsoletat vulgare të Gaz Pajës me gra gjirokastrite pa brekë, thjesht humor!
Në këto pesë gishta sqarim, Majko thotë edhe diçka e cila duhet sqaruar prej tij.
Kur shefi i madh tregoi dy barsoleta me gjirokastrite, për njërën prej tyre (atë me frigoriferë) tha se ja kishte treguar shoku Pandi. Por ky i fundit në sqarimi e tij të sotëm thotë se, “unë nuk tregojë anektoda për Gjirokastrën, ky është rregull familjarë”.
