Kryetari i Partisë Demokratike Gjirokastër, Dasho Aliko, thotë se tre drejtues institucionesh po ushtrojnë presion ndaj qytetarëve për të votuar. Gjatë një deklarate për mediat, Aliko përmendi Rezart Hoxhën, drejtorin e njësisë së OSHEE; Florian Tacin, drejtorin e Kadastrës dhe Kujtim Bizhgën, drejtorin e shërbimit zjarrfikës.
Sipas Alikos, këta tre drejtues po ushtrojnë presion tek të punësuarit dhe familjarët të tyre, që të marrin pjesë në zgjedhjet e 30 qershorit. Aliko tha më tej se PD do të respektojë dekretin e Presidentit derisa të flasë Gjykata Kushtetuese dhe nuk do të bëhen pjesë e një procesi farsë.
‘Populli i urren ata. Gjirokastra u urren për ato që kanë bërë për Gjirokastrën. Ne u japim llafin të gjithë të punësuarve që me ardhjen e PD-së në pushtet nuk do të luftohet asnjë i punësuar në shtet”, tha Dasho Aliko.
©argjiroja.net