Partia Demokratike është tërhequr nga skenari i saj për të dhunë ditën e zgjedhjeve më 30 qershor. Ultimatumi amerikan ka ‘zbythur’ PD-LSI që kërcënonin për përplasje dhe pengim të zgjedhjeve.
Burime të Argjirolajm.net në Gjirokastër mësojnë se prej ditës së djeshme dhe sot, drejtuesit e PD-së kanë kërkuar nga militantët e tyre të ruajnë qetësinë ditën e zgjedhjeve, të mos bëjnë asnjë akt dhune që cënon procesin. E vetmja porosi që u është lënë është të mbajnë shënim njerëzit që shkojnë të votojnë në cdo qendër votimi, si dhe të ndikojnë sa të mundin që të mos dalin shumë persona në zgjedhje.
Tërheqja e opozitës e thellon krizën brenda saj. Zërat për dorëheqjen e Lulzim Bashës janë shtuar. Djegia e mandateve dhe mospjesëmarrja në zgjedhje ishte strategji e gabuar që po con në shkatërrim të Partisë Demokratike. Nga 1 korriku gjërat do të jenë ndryshe edhe në kampin e opozitës. Deri më tani në Gjirokastër nuk raportohet për incidente.
©argjiroja.net
