Lulzim Basha dhe Monika Kryemadhi, bashkë me Sali Berishën dhe Ilir Metën, e kanë futur opozitën në një qorrsokokak. Pasi vendosën djegien e mandateve, opozita humbi pushtetin edhe në ato bashki ku qeveriste.
Vec deputetëve që mbetën të papunë nga aventura e drejtuese të opozitës, të humbur janë edhe kryetarët e bashkive. Në qarkun Gjirokastër humbet Zamira Rami, Niko Shupuli dhe Ahilea Decka.
Ata u mbajtën me shpresë deri në fund nga Basha e Kryemadhi se do të gjendej një zgjidhje. Kjo ishte taktikë e drejtuesve të opozitës për t’i penguar kryebashkiakët e tyre që të mos rikandidonin si të pavarur. Vazhdimisht ata zotoheshin se nuk do të kishte zgjedhje në 30 qershor. Sot u provua e kundërta.
Jo vetëm që pati zgjedhje, por edhe pjesëmarrja në rang qarku është e mirë në kushtet kur mungon opozita. PS ka marrë pothuajse votat që kishte në vitin 2017. Lulzim Basha dhe Monika Kryemadhi po e cojnë në rrokullimë opozitën. Pas këtyre zgjedhjeve ata duhet të rishikojnë pozicionin e tyre në krye të PD-së dhe LSI-së.
©argjiroja.net
