Kryetarja e Lëvizjes Socialiste për Integrim, Monika Kryemadhi në pothuajse çdo dalje mediatike të saj, kryefjalë ka varfërinë e shqiptarëve. Monika Kryemadhi, qan për varfërinë e shqiptarëve, por ndërkohë garderoba e saj kushton me miliona euro.Kryemadhi është shfaqur edhe sot në një takim në selinë blu, me një veshje të markës, Diane von Furstenberg.
Me një kërkim të thjeshtë në internet, rezulton se vetëm këmisha që kishte veshur sot Monika Kryemadhi kushton rreth 480 dollarë. Po ta marrësh bashkë me fundin që kishte veshur Kryemadhi, veshja e saj sot kapte shifrat rreth 1000 dollarë, që do të thotë sa 20 pensione në fshat, ose 10 pensione në qytet.
Por, ka edhe një tjetër detaj. Duke qenë se prej disa muajsh nuk merr rogën si deputete, për shkak të bojkotit ndaj Kuvendit lind pyetja, se ku i gjen Kryemadhi paratë për të veshur një këmishë që shkon sa 20 pensione.
Pa llogaritur këtu, fundin, këpucët, çanta dhe aksesorët e tjerë. Si një e papunë që nuk ka punuar kurrë në shtet, por bashkë me burrin gjithë jetën janë paguar vetëm nga taksat e shqiptarëve, Kryemadhi duket të jetë në ditë të hallit. Pasi është thjeshtë nje “thes” me dollarë që lëviz./ CNA.al
