Partia Demokratike ka publikuar një tabelë me shifra nga 20 bashki të vendit, për të faktuar se si të dhënat për numrin e pjesëmarrësve në votimet e 30 qershorit, u manipuluan nga Komisioni Qendror i Zgjedhjeve.
Sekretari për Çështjet Zgjedhore në PD, Ivi Kaso, deklaroi se për të mbuluar dështimin, braktisjen, refuzimin e 85% të popullsisë, kryeministrit Edi Rama i duhet të ruante në letra rezultatin e 2017. “Gjithmonë, duke marrë në konsideratë të dhënat e fallsifikuara të vetë KQZ-së, ndryshimi i pjesëmarrjes nga deklarimet e mbrëmjes së 30 Qershorit tek finalja, është drastik për 1/3 e bashkive të vendit. Falsifikimi nuk lëviz me 1 përqind, por me 5, 10, 20, 30 dhe 40 përqind.”- tha Kaso.
Kaso shtoi se për këtë qëllim përdori anëtarët e Komisionit Qendror të Vjedhjeve dhe komisionerët për të mbushur kutitë dhe për të rritur numrin e pjesëmarrësve. “Janë mbi 20 bashki me mbi 5% të manipulimit. 1/3 e bashkive ku është shtuar më shumë se gjysma e votave, që km në minorancë të mbulojë dështimin e 30 qershorit.”- u shpreh Sekretari për Çështjet Zgjedhore. Sa i përket qarkut Gjirokastër, mes bashkive ku PD pretendon se ka patur manipulim, është Bashkia Dropull ku banon minoriteti etnik grek në Shqipëri. Socialistët kandidonin në Dropull kryetarin e PS-së, Dhimitraq Tolin.
