Një ditë më parë Argjirolajm.net publikoi listën me emrat e rinj të Këshillit Bashkiak Gjirokastër të dalë pas zgjedhjeve të 31 qershorit. Mes të tjerash binin në sy dy emra, Dasho dhe Laura Qeli, babë e bijë. Ata morën mandatin nga Partia Socialiste e Moderuar. Por duket se në Këshillin Bashkiak do të qëndrojë vetëm njëri prej tyre. Ligji Nr.139 për Vetëqeverisjen Vendore, e ndalon që të mbajnë mandat këshilltari dy persona të lidhur me njëri-tjetrin në raportet prind-fëmijë.
Neni 47, pika 3 e këtij ligji thotë shprehimisht.
“Nuk mund të jenë anëtarë të të njëjtit këshill personat e lidhur: bashkëshortë, prindër e fëmijë, vëlla e motër, si dhe vjehrri e vjehrra me nusen e dhëndrin”.
Në këto kushte do duhet që Dasho Qeli ose vajza e tij, Laura Qeli, të heqin dorë nga mandati i këshilltarit. Ky mandat i fituar prej PSM-së, do duhet t’i kalojë të tretit në listën që ka dorëzuar kjo parti. Deri më tani nuk dihet se kush do t’i hapë rrugë; vajza babait apo babai vajzës?! Le të shpresojmë se do të ndodhë kjo e dyta. Sido që të vijnë punët, nëse u lihet hapësirë më shumë të rinjve, është e sigurt që gjërat kanë për të shkuar më mirë në Gjirokastër dhe mbarë vendin.
©argjiroja.net
