Ish-kreu i PD Gjirokastër, Roland Bejko, ka reaguar pas fitores së Demokracisë së Re në Greqi. Por ai bën ironi me ata që ëndërrojnë se pas kësaj fitore të demokratëve në Greqi, lind një shpresë që të fitojë edhe PD në Shqipëri. Bejko i sugjeron Bashës, ndonëse s’e përmend me emër, që të studiojë me kalem në dorë e mendje të qetë fitoren e Kyriakos Mitsotakis në Greqi. Postimi i tij i plotë.
Nuk thonë kot që facebook është argëtues. Po shikoj që ka shpërthyer në rrjet një valë “lumturie” e paparë. Meqë Neo Demokracia fitoi në Greqi ka ardhur koha që me rregullin e treshit të fitojë dhe PD në Shqipëri sipas ca “euforikëve” trutharë dashnorë të facebook-ut. Hajde mendje hajde!
Neo Demokracia mundi një shumicë kuazi të suksesshme që drejtohej nga Cipras, ndërsa ne nuk po gjejmë dot mekanizmin për të larguar nga froni një “tigër” prej letre.
Rasti i fitores së Neo Deomkracisë lipset të studiohet me kalem në dorë e mendje të qetë nga ata që e kanë për detyrë ta bëjnë këtë, se ja vlen. Kemi çfarë mësojmë prej tyre. Jemi kaq afër dhe kaq larg nga homologët tanë grekë. Fitoret nuk vijnë vetiu. Urime Neo Demokratia, suksese Greqia!
