Grupi i xhirimit të Report Tv është sulmuar ditën e sotme nga familjarët e Kostandin Kacifas i cili u vra nëntë muaj më parë në Bularat në Gjirokastrës nga forcat RENEA pas një shkëmbimi zjarri.
Grupi i xhirimit të Report tv ka shkuar në ceremominë e 9-mujorit që zhvillohet ditën e sotme për të përkujtuar Kacifas por është sulmuar nga familjarët e tij. Konkretisht nëna e Kacias u ka thyer gazetarëve stativin e kamerës dhe pajisje të tjera të punës, teksa u thoshte se ata janë në shërbim të Edi Ramës dhe se Kryeministri i ka vrarë djalin.
Pas këtij incidenti grupi i xhirimit të Report tv është tërhequr. Ngjarja e ndodhur vitin e shkuar, shënoi tensione diplomatike mes dy vendeve. Ceremonia mortore u shoqërua me incidente në nëntor të 2018, ndërsa Shqipëria shpalli “non grata” 52 ekstremistë grekë.
