Brenda këtyre tre ditëve do të konstituohen këshillat bashkiakë në 7 bashkitë e qarkut Gjirokastër. Procesi nis sot me Tepelenën, Memaliajn dhe Libohovën, tre bashki që socialistët i kanë patur dhe ku nuk pritet të ketë incidente si ai që pamë në Devoll. Ndërkohë që në Përmet dhe Dropull, dy bashkitë që drejtohen nga PD-ja, ka gjasa që opozita të tentojë të pengojë kryebashkiakët e rinj.
Në vend të Niko Shupulit në Përmet vjen Alma Hoxha, ndërsa në vend të Ahile Deçkës në Dropull vjen Dhimitraq Toli. Sa i përket Gjirokastrës, ndonëse është një bashki e drejtuar nga LSI-ja, Zamira Rami pritet t’i lirojë vendin Flamur Golemit pa rezistencë.
Ende nuk është e qartë nëse do të ketë ceremoni, ku ajo t’i dorëzojë detyrën ashtu sic bëri katër vite më parë Flamur Bimja. Konstituimi i Këshillit Bashkiak Gjirokastër është lënë për datën 1 gusht.
©argjiroja.net
