Në qarkun Gjirokastër ka nisur konstituimi i këshillave bashkiakë të dalë nga zgjedhjet e 30 qershorit.
Fillimisht është konstituar Këshilli Bashkiak i Tepelenës. Të pranishëm ishin deputetët e qarkut Bledi Çuçi, Mirela Kumbaro dhe Artemis Malo, si dhe prefekti Astrit Aliaj. Dy detaje bënë përshtypje gjatë konstituimit.
E para kryebashkiaku Tërmet Peçi kishte mbërritur me kravatë ngjyrë vjollcë, njëjtë me ngjyrën e Partisë Socialiste. Dhe gjasat janë që kjo të mos jetë rastësore. Me siguri është një formë që Peçi t’i shprehë mirënjohjen PS-së që e bëri kryebashkiak për herë të tretë.
E dyta, dy punonjës të policisë bashkiake qëndronin pas Tërmet Peçit si truproja nderi me kostum ceremonial, diçka që ndodh për herë të parë.
Si në të gjitha këshillat bashkiakë edhe në Tepelenë socialistēt kanë shumicën për shkak të mospjesëmarrjes së opozitës në zgjedhjet e 30 qershorit.
©argjiroja.net
