Kalldrëmi i Gjirokastrës do të jetë gati brenda muajit tetor. punimet në të janë drejt fundit, duke u ezauruar në masën 80 % të gjitha rrjetet inxhenierike nënëtokësore.
Punimet restauruese në kalldrëmin e pazarit karakteristik të Gjirokastrës janë drejt fundit.
Pavli Miço nga Fondi Shqiptar i Zhvillimit thotë se janë ezauruar në masën 100 % të gjitha rrjetet inxhemirike nënëtokësore dhe po punohet në shtrimin e kalldëmit të fundit që përkon me mozaikun e famshëm.
Miço: Jemi në fazën kur ne jemi përqendruar në përfundimin e punimeve në trotuare, në veshjen e tyre me pllaka guri dhe në shtrimin e kalldrëmeve. Aktualisht kanë ngelur vetëm 2 akse pa u shtruar me kalldrëm. Është aksi kryesor nga sheshi Çerçizi në drejtim të qafës së pazarit.
Më herët është raportuar se punimet kanë sjellë pengesa të shumta tek bizneset, të cilat kanë thënë se për shkak të punimeve numri i turistëve është tepër i ulët.
