Pas konstituimit të Këshillit të ri Bashkiak Gjirokastër dhe marrjes së detyrës nga kryebashkiaku i ri, Flamur Golemi, kanë nisur largimet e para të njerëzve me funksione politike që vinin nga radhët e LSI-së. Sot është dorëhequr nënkryetari i bashkisë Aurel Lapa.
Ai ka mbajtur këtë post prej 4 vitesh, qysh kur Zamira Rami fitoi zgjedhjet në vitin 2015. Gjatë këtyre viteve Lapa mbahet mend edhe për një incident që ndodhi në bashki.
Ai u dhunua nga një person në zyrë për një konflikt kullotash. Ndërkohë në qershor të këtij viti, Lapa shkoi në pallatin e sportit bashkë me Krenar Kullën e Dasho Alikon, në përpjekje për të nxjerr prej aty KZAZ-në e Gjirokastrës.
©argjiroja.net
