Nga Klodian Tomorri
Në vitin 2013, qeveria i dha Dhomës Kombëtare të Avokatise 25 mijë metra tokë shtetërore falas pranë fushës së Aviacionit. Sipas vendimit, toka u dha me qëllim ndërtimin e Korpusit të Drejtësisë dhe nuk lejohej ndryshimi i destinacionit.
Dhoma e Avokatëve e ndërtoi Pallatin. Se me çfarë çmimi dhe se me çfarë parash e financoi, kjo nuk dihet, pasi Dhoma Kombëtare e Avokatise është një OJF dhe jo Institucion Publik. Nën zë flitet se e gjithë ndërtesa ka kushtuar 2 milionë euro, por ky është informacion i pakonfirmuar sepse nuk është publik.
Tani, pallatin e ndërtuar mbi tokën e falur shtetërore, qeveria po e ble si zyra për institucionet e reja të drejtësisë. Çmimi i blerjes edhe ky ende jo publik, flitet se është caktuar 11 milionë euro.
Pra, 11 milionë euro do të paguajnë qytetaret shqiptare për Dhomën e Avokatisë, për një pallat të ndertuar ne toke te falur shteterore.
1-Kujt po i shkojnë paratë?
2-Si do të përdoren ato?
3-Pse u shkel vendimi i qeverise, që ndalonte shprehimisht ndryshimin e destinacionit per pronen e falur?
4-Me çfarë baze ligjore është blerë prona?
Sepse ligji nuk e lejon qeverine të blejë prona private sipas qejfit, por e ka kushtezuar vetëm me shpronësimet. Edhe këto me çmime të përcaktuara dhe vetem kur përdoren për vepra publike që kanë rëndësi të veçantë. Nuk e lejon njeri qeverinë të blejë prona private si te doje sepse po te ishte ashtu buxheti i shtetit do masakrohej nga pazaret.
Ky transaksion ka pikëpyetje të mëdha dhe shumë anë të errëta. Eshtë biznes i rëndë, që do të plasë shumë shpejt ne publik. Boll me me institucione hibride, që ngrihen për të devijuar paratë e taksapaguesve në llogari të paqarta dhe me mekanizma të dyshimtë. Sepse po na del Dhoma e Avokatisë si biznes ndertimi, që merr troje publike falas dhe fiton miliona euro. Ça janë këta?
