Pak ditë pas shkarkimit nga detyra, vjen edhe arrestimi nga policia. Eshtë fjala për Armand Mamanin, ish-drejtori i Agjencisë së Shërbimit dhe Mirëmbajtjes në Bashkinë Gjirokastër, një prej njerëzve më të besuar të Zamira Ramit dhe që qarkullonte miliona lekë cdo vit përmes agjencisë që drejtonte.
Bëhet fjalë për Armand Mamani, i cili akuzohet për shpërdorim detyre. Mamani është arrestuar në flagrancë, pasi një subjekt privat u zbulua nga kontrollorët e OSHEE dje teksa ishte duke shfrytëzuar energji elektrike nga godina e Drejtorisë së Agjencisë së Trajtimit Social që ndodhet në Pazarin Karakteristik.
Mësohet se Mamani i kishte dhënë energji të afërmes së tij, Violeta Bahollit nga zyrat e bashkisë vendosur pranë Obeliskut.
Më herët Armand Mamani ka qenë kreu i LSI-së në Gjirokastër. Ndërkohë policia po heton lidhur me zbardhjen e shkeljeve të tjera të mundshme nga ish-drejtori Mamani.
