Gazeta Mapo publikon një e-mail, i cili u është dërguar anëtarëve të Këshillit Kombëtar, Kryesisë dhe ish deputetëve të PD nga drejtuesit e kësaj politike.
Bëhet fjalë për një memo, një material për qarkullim të brendshëm, ku porositen lidhur me strategjinë e komunikimit. Në e-mailin në fjalë flitet edhe për sondazhet, sipas të cilave, PD rezulton në rritje dhe qeveria në rënie,. Gjithashtu jepen këshilla për qëndrimet politike për të çmontuar atë që e quajnë, “propagandë e Edi Ramës”.
E-maili përmend emra gazetarësh dhe mediash, që sipas selisë blu, përdoren nga kryeministri dhe qeveria si mercenarë politikë për të sulmuar opozitën.
Sipas memos, mercenarët politikë janë ish-drejtues të lartë të PD, të cilët vihen në shërbim të Ramës, sa herë ai është në vështirësi, duke sulmuar Partinë Demokratike.
E-maili u është dërguar anëtarëve të Këshillit Kombëtar dhe forumeve drejtuese, me 23 gusht, pra përpara se të ndodhnin disa ndryshime dhe mbyllje të emisioneve kritike në News 24, ngjarje të komentuara shumë në publik.
