Pak ditë pas emërimit në si drejtoreshë e Tatimeve në Gjirokastër, Valbona Bushi, ka folur për herë të parë për Tv Gjirokastra. Bushi iu është drejtuar të gjithë qytetarëve me një mesazh të qartë, që të insistojnë të tërheqin kuponin tatimor.
“Mostërheqja e kuponit tatimor është një dhuratë që ju i bëni tatimpaguesve që shkelin ligjin. Kërkoni kuponin tatimor sepse është e drejta juaj legjitime”, tha Bushi.
Informaliteti në Gjirokastër është në nivele të larta. Janë të shumtë subjektet që nuk lëshojnë kupon tatimor, qoftë në zonën urbane ashtu edhe në zonën muzeale të qytetit. Valbona Bushi pason në krye të Tatimeve Ilir Metajn.
©argjiroja.net
