Gjimnazi ‘Asim Zeneli’ në Gjirokastër mirëpret nesër nxënësit për vitin e ri shkollor. E vecantë e këtij viti është se gjimnazi është tërësisht i rikonstruktuar. Për të parë nga afër sot këtë investim ishte në Gjirokastër ishte edhe ministri Bledi Çuçi, deputetja Artemis Malo dhe kryebashkiaku Flamur Golemi.
“16 shtatori për nxënësit e gjimnazit “Asim Zeneli” në Gjirokastër nuk është thjesht dita e parë e vitit të ri shkollor. ➡️ Ka edhe një domethënie tjetër. Ata do të gjejnë një gjimnaz të rikonstruktuar plotësisht. ✅ “Asim Zeneli” radhitet mes gjimnazeve elitare të vendit, ku kanë studiuar edhe emra të shquar të letrave shqipe si Ismail Kadare, Dritëro Agolli etj.🙏 Vazhdon të jetë i tillë edhe sot. 👍 Investimi që bëmë e radhit këtë shkollë ndër më të mirat në vend edhe në aspektin e ambienteve të reja dhe bazës materiale sipas standardeve më të larta. ✍ Ky gjimnaz me moshë afërsisht sa mosha e shtetit shqiptar jam i bindur që do të vijojë të jetë ndër më të mirët në të gjithë hapësirën shqiptare edhe në të ardhmen. Veç vlerësim dhe mirënjohje për punën e shkëlqyer të mësuesve ndër vite. Ta gëzoni shkollën dhe suksese”” shkruan Çuçi në Facebook.
Ndërkohë fotot e kësaj vizite në gjimnazin ‘Asim Zeneli’ janë publikuar në Faceboo edhe nga kryeministri Edi Rama.
“I RILINDUR pas vitesh të tëra degradimi deri në pikën që nuk njihej më, gjimnazi “Asim Zeneli”, ku mësuan edhe Ismail Kadareja e Dritëro Agolli, do të presë nesër nxënësit në kushte optimale falë Programit Kombëtar të Rilindjes Urbane dhe bashkëfinancimit të Bashkisë Gjirokastër🤩 #ArsimiqëDuam📚👫🏐 #ShqipëriaqëDuam☀️🇦🇱”, shkruan Rama në Facebook.
