Në ditën e parë të vitit të ri shkollor është inaguruar edhe rikonstruksioni i gjimnazit ‘Asim Zeneli’. Ish-ministrja e Kulturës dhe deputetja e Gjirokastrës, Mirela Kumbaro, ka bërë një reagim në Facebook teksa e shoqëron me foto nga inagurimi që i bëri kryebashkiaku Flamur Golemi. Ja cfarë shkruan Kumbaro.
Me këmbë të mbarë për të gjithë nxënësit e mësuesit, por edhe për prindërit që s’duhet ta lëshojnë dorën e fëmijës kur e dërgojnë në shkollë, përkundrazi! Ndërsa dorën tjetër duhet t’ia japin mësueses. Vetëm kështu, të tre sëbashku mund t’ia dalin sfidës më të rëndësishme për familjen dhe investimit më të sigurt për shoqërinë: EDUKIMI.
Por një urim të veçantë e kam për nxënësit e gjimnazit “Asim Zeneli” në #Gjirokastër që sot futen jo vetëm në një nga tempujt e arsimit, emancipimit dhe historisë kombëtare por edhe në një pasuri kulturore dhe arsimore të rikonstruktuar dhe të restauruar, falë financimit të Ministrisë së Arsimit dhe bashkëpunimit me Bashkinë Gjirokastër.
Në nëntor 2017, bashkë me Lindita Nikolla, u premtuam nxënësve dhe mësuesve se gjimnazi Asim Zeneli do të përtërihej dhe gjirokastritëve do t’u rikthehej i restauruar ky monument kulture.
Sot përgëzoj Kryetarin e Bashkisë Gjirokastër, Flamur Golemi që ndoqi deri në hapat e fundit këtë kantier dhe nisi mbarësinë për këtë vit shkollor pikërisht nga kjo shkollë!
Kam kënaqësinë të ndaj me ju pamjet e reja, por që të kuptoni emocionet duhet të shihni edhe si ishte! 👉Vit të mbarë shkollor❗️
