Në një kohë që ditët e fundit ka patur një debat të shterpë për gjimnazin e kryebashkiakut Flamur Golemi, ky i fundit pas shpjegimeve që ka dhënë për këtë rast, ka bërë edhe një gjest tjetër simbolik. Është ulur sot në bankat e shkollës “Koto Hoxhi” bashkë me nxënës të klasës së parë.
“Ata që e përjetojnë më shumë fillimin e shkollës janë natyrisht fëmijët që shkojnë në klasën e parë. Tek “Koto Hoxhi” kishte plot djem e vajza që meritojnë të gjithë vëmendjen tonë për t’u arsimuar në kushte më të mira. Bashkia Gjirokastër do t’i shikojë me prioritet investimet në institucionet e arsimit parauniversitar. Këtu besoj se do të kemi edhe mbështetjen e Këshillit Bashkiak. Në çdo rast një pjesë të konsiderueshme të buxhetit do ta çojmë në kopshte e shkolla, për kushte më të mira dhe bazë materiale me standarde të larta”, shkruan Golemi në Facebook teksa publikon disa foto.
©argjiroja.net
