Të paktën tre tërmete radhazi, më i forti me magnitudë 5.8 ballë i shkallës rihter, goditën Tiranën këtë pasdite. Banorët kanë lënë shtëpitë të alarmuar dhe kanë dalë në rrugë.
Në disa biznese dhe apartamente raportohet edhe për dëme, ndërsa nuk bëhet e ditur ende për persona të lënduar.
Epiqendra e tërmetit ka qenë në detin Adriatik, pranë Kepit të Rodonit. Të forta lëkundjet e tërmetit kanë qenë edhe në qytetin e Durrësit, Fierit e Vlorës. Ky është tërmeti më i fortë i 30 viteve të fundit që godet vendin tonë.
