Bashkia Dropull ka ndërmarrë një aksion pastrimi të mbetjeve urbane, me rastin e Ditës Ndërkombëtare të Pastrimit.
Bashkë me punonjës të sektorit të pastrimit, ishte edhe kryebashkiaku Dhimitraq Toli dhe kreu i Njësisë Administrative të Dropullit të Sipërm, Thanas Kuremeno, si dhe banorë të tjerë të Dropullit. Bashkia do të vijojë me aksione të tilla edhe në fshatra të tjera.
Menaxhimi i mbetjeve urbane vijon të mbetet një problem edhe për Dropullin. Ndërtimi i një landfilli për bashkitë e qarkut Gjirokastër do të ishte zgjidhja më e mirë. Sidoqoftë deri më tani gjërat duket se nuk po lëvizin në këtë drejtim.
Një zgjidhje alternative mbetet edhe dërgimi i mbetjeve urbane në landfillin e fshatit Bajkaj në Delvinë, por kjo formë ka kosto të larta për bashkitë e qarkut Gjirokastër.
©argjiroja.net
