Vllaznia nuk ka arritur të marrë më shumë se një pikë në shtëpi, përballë skuadrës së Luftëtarit. Skuadra shkodrane e drejtuar nga Mirsad Jonuz, ka dominuar takimin ndaj bluzinjve, megjithatë portieri Paiteris dhe dy herë traversa kanë ndalur kuqeblutë që tashmë e shohin veten në krizë golash pasi vetëm 1 kanë shënuar këtë sezon.
Nga ana tjetër, kjo ishte pika e katërt për Luftëtarin, pas fitores së parë që mori pak ditë më parë kundër Flamurtarit. Bluzinjtë kanë pasur mundësi të mira për të shënuar në disa raste, por janë treguar të pasaktë përballë portës. Javën e ardhshme, Vllaznia pret skuadrën e Skënderbeut, ndërsa ndeshje në shtëpi ka edhe Luftëtari përballë Laçit.
