Pas qendrës së re të ndërtuar në kuadër të programit “Rilindja Urbane”, Libohova përfiton një tjetër investim të madh. Pritet që në vitin e ardhshëm të nisë ndërtimi i ujësjellësit të ri për qytetin dhe fshatrat Bulo e Hoshtevë. Lajmin e konfirmon kryebashkiakja Luiza Mandi gjatë një interviste për Tv Gjirokastra.
Sipas saj investimi shkon në rreth 300 milionë lekë, të cilat jepen nga qeveria shqiptare. Ajo thotë se do të garantohet furnizim me ujë 24 orë, si dhe do të pajisen me matësa të gjithë konsumatorët. Ndiqni në videon më poshtë intervistën e saj të plotë.
©argjiroja.net
