Një grup ish-gjimnazistësh në Gjirokastër janë ritakuar me njëri-tjetrin fiks pas 30 vitesh nga përfundimi i shkollës. Ata kanë shkuar sërish në gjimnazin “Asim Zeneli”, duke u ulur në klasën ku kanë bërë mësim, për të fiksuar një foto tani pas 30 vitesh. Sigurisht që takime të tilla kanë brenda nostalgji dhe kujtime pafund nga gjimnazi, një prej periudhave më të bukura në jetën e kujtdo.
Por këta gjimnazistë janë me siguri edhe brezi i atyre që kanë shpresuar ndoshta më shumë se kushdo që Shqipëria do të merrte një rrugë të mbarë. Ata kanë parë me sytë e adolshentëve të atëhershëm shembjen e një sistemi të kalbur dhe kanë besuar ndoshta më shumë se kushdo tjetër se ditë më të mira do të vijnë. Natyrisht që është bërë shumë progres në këto 30 vite, por për fat keq ka ende pesimizëm e varfëri aspiratash mes nesh. Shqiptarët vazhdojnë të largohen nga vendlindja.
©argjiroja.net
