Kreu i PBDNJ Vangjel Dule akuzon struktura të caktuara të shtetit se po frikëson dhe terrorizon jo vetë familjet në Bularat por dhe në të gjithë Dropullin. Në një prononcim për median nga fshati Bularat ku u mbajt ceremonia përkujtimore për vdekjen e Kacifas Dule akuzoi kryeministrin dhe ministrin e Brendshëm për metoda policeske.
Vangjel Dule: “Prej disa ditësh lëviz në Sarandë e Gjirokastër është kjo klimë që përshkruhet pyetja juaj. Nëse do shkoni e shikoni në rrethrrotullinim në Jorgucat, që shkon për Gjirokastër do shikoni forca policore të pajisura që nuk kanë asnjë lidhje me situatën mbizotëruese në Dropull. Dropulli, sipas të gjitha statistikave është zona më e qetë historikisht në republikë. Duhet ta dinë nga ministri i Brendshëm tek kryeministri që janë frymëzues të këtyre praktikave se Dropulli nuk mund të realizohet me metoda policeske.
Nga familja a keni marrë shqetësim se ndihen të pasigurtë?
Vangjel Dule: Jo vetëm familja por shumë familje të tjera si në fshatin Bularat por dhe në fshatra të tjera të Dropullit kanë shprehur këtë shqetësim. Jo se janë terrorizuar por ka pasur tentativa nga struktura shtetërore për ti frikësuar dhe terrorizuar. Ju e dini shumë mirë si funkisionon shteti në vendin tonë dhe cdo gjë kërkon mënyrën e vet dhe kohën e vet.”
