Mediat greke kanë publikuar një video të datës 28 tetor në Bularat, ku thonë se policia shqiptare i ka marrë nënës së Kacifasit, një banderolë me foton e djalit të saj.
Policia nuk i lejoi që këto banderola të shfaqeshin në përvjetorin e vrasjes së Kacifas.
Nëna e Kostandin Kacifas gjithashtu u procedua penalisht nga prokuroria për thirrjet për dhunë të bëra pak ditë më parë në Gjirokastër.
Dosja ndaj saj është referuar në prokurori nga Antiterrori i policisë shqiptare për veprën penale që dënohet deri në 3 vjet burg. Në cilësinë e provave janë administruar me video deklaratat e saj kundër rendit kushtetues dhe qytetarëve shqiptarë dhe thirrjet se jugu i Shqipërisë është Vorio Epir.
